Khmer New Year flight

ព័ត៌មាន | 14.04.2023

ឆ្នាំនេះក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ បានអបអរពិធីបុណ្យចូលឆ្នាំប្រពៃណីជាតិខ្មែរ នៅលើអាកាស សម្រាប់ជើងហោះហើរនៅថ្ងៃទីមួយនៃពិធីបុណ្យចូលឆ្នាំថ្មី ព.ស ២៥៦៧ ពីភ្នំពេញទៅសៀមរាប។

ភ្នំពេញ៖ នៅថ្ងៃទី១៤ ខែមេសា ឆ្នាំ២០២៣ ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ បានរៀបចំនូវវត្ថុអនុស្សាវរីយ៍ ដើម្បីស្វាគមន៍អ្នកដំណើរទាំងអស់ ដែលបានហោះហើរនៅថ្ងៃទីមួយនៃពិធីបុណ្យចូលឆ្នាំថ្មីប្រពៃណីជាតិខ្មែរ ព.ស ២៥៦៧ ដែលមានជើងយន្ដហោះលេខ K6 105 ដោយប្រើរយៈពេល ៤៥នាទី ចេញដំណើរពីអាកាសយានដ្ឋានអន្តរជាតិភ្នំពេញ នៅម៉ោង ១០:០៥ និងត្រូវចុះចតនៅអាកាសយានដ្ឋានអន្តរជាតិសៀមរាប នៅម៉ោង ១០:៥០។ នេះជាពេលវេលាដ៏ពិសេសមួយដែលអ្នកដំណើរ​អាចធ្វើដំណើរផង ហើយក៏ដូចជាអបអរពិធីបុណ្យចូលឆ្នាំថ្មីផងក្នុង​ពេល​តែ​មួយ។​ មិនត្រឹមតែប៉ុណ្ណោះ ការហោះហើរនេះក៏ធ្វើឱ្យអ្នកដំណើរទាំងអស់ពោរពេញដោយភាពរីករាយ ហើយថែមទាំងទទួលបាននូវអនុស្សាវរីយ៍ដ៏ល្អមួយ ដែលពួកគេមិនអាចបំភ្លេចបាន។

ក្នុងឱកាសពិធីបុណ្យចូលឆ្នាំប្រពៃណីជាតិខ្មែរ ឆ្នាំថោះ បញ្ចស័ក ព.ស ២៥៦៧ ក្រុមហ៊ុនអាកាសចរណ៍ជាតិកម្ពុជា អង្គរ អ៊ែរ សូមថ្លែងអំណរគុណដល់អតិថិជនទាំងអស់ ដែលបាននឹងកំពុងគាំទ្រក្រុមហ៊ុន​ ហើយសូមជូនពរ ឱ្យជួបប្រទះតែសេចក្តីសុខ សេចក្តីចម្រើន និងសុវត្ថិភាពរាល់ការធ្វើដំណើរគ្រប់ៗគ្នា។

សម្រាប់គោលដៅហោះហើរបច្ចុប្បន្ននាពេលនេះ​ របស់ កម្ពុជា អង្គរ អ៊ែរ៖

• ជើងហោះហើរក្នុងស្រុក៖ ភ្នំពេញ, សៀមរាប, ព្រះសីហនុ 

• ជើងហោះហើរប្រទេសវៀតណាម៖ ហាណូយ, ហូជីមិញ, ដាណាង

• ជើងហោះហើរប្រទេសចិន៖ ក្វាងចូវ, ចេងចូវ, សៀងហៃ, ហៃគូ, ម៉ាកាវ

ដើម្បីទិញសំបុត្រយន្តហោះ សូមចូលទៅកាន់៖

គេហទំព័រ៖ www.cambodiaangkorair.com

ទីស្នាក់ការកណ្តាលនៅប្រទេសកម្ពុជា៖ (+855) 23 6666 788 / (+855) 23 666 789 / (+855) 23 6666 787

ការិយាល័យនៅប្រទេសវៀតណាម៖ (+84) 28 35471 767

ការិយាល័យនៅប្រទេសចិន៖ (+86) 20 8331 0123 / (+86) 20 8331 2213

សម្រាប់ព័ត៌មានបន្ថែម សូមទាក់ទងតាមអ៊ីមែលរបស់ក្រុមហ៊ុន៖ helpdesk_online_2@cambodiaangkorair.com