អាកាសចរជាតិ កម្ពុជា អង្គរ អ៊ែរ តភ្ជាប់ឡើងវិញរវាងខេត្តសៀមរាប និង ទីក្រុងហូជីមិញ 

ថ្ងៃទី១៥ ខែមិថុនា ឆ្នាំ២០២២៖ ក្រុមហ៊ុនអាកាសចរជាតិ កម្ពុជា អង្គរ អ៊ែរ បានហោះហើរតភ្ជាប់ឡើងវិញរវាងខេត្តសៀមរាប និង ទីក្រុងហូជីមិញប្រកបដោយជោគជ័យ ។ ជើងដំបូងលេខ K៦ ៨០៨ បានចាកចេញពីខេត្តសៀមរាបនាវេលាម៉ោង ១៥:០០ ដោយ ប្រើប្រាស់យន្តហោះប្រភេទ ATR៧២-៥០០ ហើយចុះចតនៅព្រលានយន្តហោះតាន់សុនញ៉ាត់ ទីក្រុងហូជីមិញ វេលាម៉ោង ១៦:៣០ ដោយសុវត្ថិភាព ។  

ផ្លូវហោះហើរនេះគូសបញ្ជាក់ពីការតភ្ជាប់លក្ខណៈអន្តរជាតិរបស់ក្រុមហ៊ុនជាមួយនឹងខេត្តសៀមរាប ទឹកដីនេះសម្បត្តិបេតិកភណ្ឌពិភពលោក ។ ក្នុងការចាប់ផ្តើមឡើងវិញក្រុមហ៊ុនធ្វើការហោះហើរចំនួន ៣ដងក្នុងមួយសប្តាហ៍ រៀងរាល់ថ្ងៃ ពុធ សុក្រ និង អាទិត្យ ហើយនឹងបង្កើន រហូតដល់ ៤ដងក្នុងមួយសប្តាហ៍ចាប់ពីដើមខែកក្កដាឆ្នាំ ២០២២ នឹងបន្តបង្កើនរៀងរាល់ថ្ងៃនាពេល ដ៏ខ្លីខាងមុខនេះ ។  

ទន្ទឹមនេះ អាកាសចរជាតិ កម្ពុជា អង្គរ អ៊ែរ នឹងហោះហើរឡើងវិញរវាងខេត្តសៀមរាប ជាមួយ ខេត្តព្រះសីហនុ និង រវាងខេត្តសៀមរាប ជាមួយ ខេត្តដាណាង ប្រទេសវៀតណម ផងដែរ ។ 

អតិថិជនអាចរកជាវសំបុត្រតាមរយះគេហទំព័រ www.cambodiaangkorair.com រឺ ទៅកាន់ការិយាល័យលក់សំបុត្ររបស់ក្រុមហ៊ុន  

ក្រុមហ៊ុនអាកាសចរជាតិ កម្ពុជា អង្គរ អ៊ែរ គឺជាក្រុមហ៊ុនដំបូងតែមួយគត់ទទួលបានវិញ្ញាបនប័ត្រសុវត្ថិភាពកំរិតពិភពលោក (IOSA) និងជាសមាជិកពេញសិទ្ធសមាគមដឹកជញ្ជូនផ្លូវអាកាសអន្តរជាតិ (IATA)