ការកក់ជើងហោះហើរ

ពិនិត្យជើងហោះហើរ

បញ្ចូលព័ត៌មានលំអិតនៃការកក់របស់អ្នក។ អ្នកដំណើរអន្តរជាតិទាំងអស់ត្រូវបង្ហាញនៅបញ្ជរឆែកឆេរ ២ ម៉ោងមុនពេលចេញដំណើរដើម្បីផ្ទៀងផ្ទាត់ឯកសារធ្វើដំណើររបស់អ្នក / កាបូបស្ពាយដែលបានឆែកមើលដើម្បីជៀសវាងការផ្ទុកទំនិញនៅច្រកទ្វារចូល។

វាលដែលសម្គាល់ដោយ * ត្រូវមាន។

បង្ហាញជម្រើសបន្ថែម

ការកក់សណ្ឋាគារ

ឥវ៉ាន់, កន្លែងអង្គុយ

icon-luggage ឥវ៉ាន់បន្ថែម

icon-prefer កៅអីដែលពេញចិត្ត

icon-luggage អាហារក្តៅ

icon-luggage អំណោយ

icon-luggage កន្លែងសំរាក

icon-luggage MAAS

ដំណើររបស់អ្នក

ព័ត៌មានជើងហោះហើរ

គោលការណ៍ និង ផែនការអាជីវកម្ម របស់​ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ ​ឆ្នាំ២០២៣ ក្រោយ​ជំងឺកូវីដ-១៩

ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ គឺជាក្រុមហ៊ុនអាកាសចរណ៍ជាតិតែមួយគត់ ត្រូវបានបង្កើតឡើងក្រោមទម្រង់ចម្រុះរដ្ឋ និងឯកជន។ ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ ដើរតួនាទីយ៉ាងសំខាន់ ក្នុងការលើកកម្ពស់វិស័យដឹកជញ្ជូនផ្លូវអាកាស ទេសចរណ៍ជាតិ និងអភិវឌ្ឍសេដ្ឋកិច្ច ក្នុង​រយៈពេលជាង១០ឆ្នាំ កន្លងមកនេះ។ ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ បានបន្តពង្រីកការហោះហើរទៅកាន់គោលដៅទេសចរណ៍សំខាន់ៗចំនួន ១៤ រួមមាន រាជធានីភ្នំពេញ ខេត្តសៀមរាប ខេត្តព្រះសីហនុ រាជធានីហាណូយ ហូជីមិញ ដាណាំង ប៉េកាំង សៀងហៃ ក្វាងចូវ ហៃគូ ណាននីង ចិនចូវ ហាំងចូវ និងម៉ាកាវ។ 

ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ​​ បានកំណត់ចក្ខុវិស័យរបស់ខ្លួន ជាក្រុមហ៊ុនអាកាសចរណ៍ឈានមុខគេនៅកម្ពុជា និងជាក្រុមហ៊ុនអាកាសចរណ៍ដំបូងគេរបស់កម្ពុជា ដែលទទួល​បានវិញ្ញាបនបត្រសុវត្ថិភាព ពីសមាគមន៍ដឹកជញ្ចូនផ្លូវអាកាសអន្តរជាតិ (IOSA) និងជាសមាជិកផ្លូវការរបស់​អង្គការនេះចាប់ឆ្នាំ២០១៧  ដែលធ្វើឱ្យក្រុមហ៊ុនទទួលបាននូវការទទួលស្គាល់ ពីសុវត្ថិភាពជាលក្ខណៈ​អន្តរជាតិ និងទទួលបានការគាំទ្រពីអ្នកដំណើរ និងដៃគូនានាទាំងក្នុងប្រទេស និងអន្តរជាតិចាប់ពីពេលនោះ​មក។

ជំងឺកូវីដ-១៩ បានប៉ះពាល់យ៉ាងធ្ងន់ធ្ងរដល់សេដ្ឋកិច្ចជាតិ និងឧស្សាហកម្មអាកាសចរណ៍ ដែលធ្វើឱ្យក្រុមហ៊ុនអាកាសចរណ៍នានាមានការលំបាកក្នុងការធ្វើប្រតិបត្តិការហោះហើរ និងខ្លះត្រូវបានក្ស័យធន។ ដោយមានការគាំទ្រពីរាជរដ្ឋាភិបាលកម្ពុជា ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ អាចរក្សាបាននូវប្រតិបត្តិការហោះហើរ និងបានពង្រីកការហោះហើរបន្ថែម ជាពិសេសទទួលបានជោគជ័យបំផុតសម្រាប់ការហោះហើរពី ភ្នំពេញ ទៅកាន់ ហូជីមិញ នៃប្រទេសវៀតណាម និងភ្នំពេញ ទៅកាន់ ក្វាងចូវ នៃប្រទេសចិន។ ទន្ទឹមនឹងនេះ ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ បានពង្រីកការផ្តល់សេវាកម្ម ដឹកទំនិញបន្ថែមទៀតរួមមាន សម្ភារៈបរិក្ខារពេទ្យ និងថ្នាំពេទ្យជាដើម។

នៅដើមឆ្នាំ២០២២នេះ ភ្ញៀវទេសចរណ៍អន្តរជាតិមានការកើនឡើងគួរឱ្យកត់សម្គាល់ចំនួន១.៥​៧​លាននាក់​ ស្មើនឹង១០ដង បើធៀបទៅនឹងឆ្នាំ២០២១ ជាពិសេសខេត្តសៀមរាបទទួលភ្ញៀវទេសចរណ៍ក្នុងស្រុក និងអន្តរជាតិសរុបចំនួន១.៨លាននាក់ កើនឡើង៨ដង បើធៀបនឹងឆ្នាំមុន យោងតាមតួលេខរបស់ក្រសួងទេសចរណ៍។ ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ បានបន្ថែមជើងហោះហើរជាច្រើនទៅកាន់ ខេត្តសៀមរាប ខេត្តព្រះសីហនុ ទីក្រុងហូជីមិញ ទីក្រុងដាណាំង រាជធានីហាណូយ នៃប្រទេសវៀតណាម និងទីក្រុងចិនចូវ ទីក្រុងណាននីង នៃប្រទេសចិន ។ ឆ្នាំនេះ  ក្រុមហ៊ុនអាកាសចរណ៍ជាតិ  កម្ពុជា អង្គរ អ៊ែរ រំពឹងថានឹងដឹកអ្នកដំណើរ បានចំនួន២១៤,០០០នាក់។ ដោយមានការគាំទ្រពីម្ចាស់ភាគហ៊ុនទាំងអស់ ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ មានគោលបំណងអភិវឌ្ឍ​ជើងហោះហើររបស់ខ្លួន ដោយគ្របដណ្តប់លើគោលដៅ ដែលមានសក្តានុពលនៅក្នុងតំបន់អាស៊ីអាគ្នេយ៍ អាស៊ីខាងកើត និងជាពិសេសទីផ្សាររបស់ប្រទេសចិន តាមរយៈការអភិវឌ្ឍគម្រោង «កិច្ចព្រមព្រៀងសហប្រតិបត្តិការយុទ្ធសាស្រ្តហោះហើរផ្លូវសូត្រ ហឺណាន-កម្ពុជា​-អាស៊ាន»(Henan-Cambodia-ASEAN-Air Silk Road Strategic Cooperation Agree​ment) ហើយក្រុមហ៊ុនក៏គ្រោងនឹងបង្កើតទីស្នាក់ការកណ្តាលទីពីរនៅក្នុងប្រទេសចិន។

ឆ្នាំ២០២៣ ខាងមុខនេះ ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ នឹងពង្រីកបន្ថែមនូវការហោះហើរជាច្រើនទៀតទៅកាន់ទីក្រុងហៃគូ ហាំងចូវ សៀងហៃ ប៉េកាំង នៃប្រទេសចិន និងសិង្ហបុរី ដែលអាចមានអ្នកដំណើរកើនឡើងចំនួន៦៥០,០០០នាក់ ប្រមាណជិត១០,០០០ជើង និងបាននាំយកនូវយន្តហោះថ្មី ATR72 មួយគ្រឿង និង Airbus A320 មួយគ្រឿង។ 

ឯកឧត្តម តឹករ៉េត សំរេច ប្រធានក្រុមប្រឹក្សាភិបាលមានប្រសាសន៍ថា រយៈពេលដ៏លំបាកបំផុតសម្រាប់ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ របស់យើងបានឈានដល់ទីបញ្ចប់ហើយ យើងកំពុងតែសម្លឹងឆ្ពោះទៅកាន់អនាគតដ៏ត្រចះត្រចង់ ការរីកចម្រើនកាន់តែលឿន និងពង្រីកការហោះហើរបន្ថែមដោយនាំយកនូវវប្បធម៌ និងអរិយធម៌ខ្មែរទៅកាន់ពិភពលោក។

Share on:

មានច្រើនទៀតនៅក្នុងផ្នែកនេះ

សេចក្តី​ប្រកាស​ព័ត៌មាន | 28 February 2023
Announcement for KH-CN Flights 01 Mar 23 Edition

Starting from March 1, 2023 (Phnom Penh time), passengers on direct flights from Cambodia to China will be allowed to replace nucleic acid test with antigen test (including self-testing with kit) within 48 hours before the flight takes off.

Read more

សេចក្តី​ប្រកាស​ព័ត៌មាន | 18 November 2022

Read more

សេចក្តី​ប្រកាស​ព័ត៌មាន | 28 December 2022
Flight announcement REP-HAN

ភ្នំពេញ, ថ្ងៃទី ២២ ខែធ្នូ ឆ្នាំ ២០២២៖ ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ បានបោះ

Read more