ថ្ងៃទី ២៨ ខែកញ្ញា ឆ្នាំ ២០២២៖ ក្រុមហ៊ុនអាកាសចរណ៍ កម្ពុជា អង្គរ អ៊ែរ បានបោះជំហានទៅមុខដោយជោគជ័យ ក្នុងការចាប់ផ្តើមនៅជើងហោះហើរថ្មីរវាង​រាជធានីភ្នំពេញ នៃប្រទេសកម្ពុជា និងទីក្រុងណាននីង នៃប្រទេសចិន ជាមួយនឹងជើងហោះហើរ K6 896 ចេញដំណើរពីអាកាសយានដ្ឋានអន្តរជាតិភ្នំពេញនៅម៉ោង ១៧:០០ តាមប្រភេទយន្តហោះ Airbus-A320 ហើយចុះចតនៅអាកាសយានដ្ឋានអន្តរជាតិណាននីង វូស៊ូ (ទីក្រុងណាននីង) នៅម៉ោង ២០:១០ ។ បន្ទាប់​មកនឹងធ្វើ​ការហោះហើរត្រឡប់មក​រាជធានី​ភ្នំពេញ​វិញ​ដោយចេញ​ដំណើរ​នៅ​ម៉ោង ២១:០០ និង​មក​ដល់​ម៉ោង ២២:១៥។

ទន្ទឹមនឹងនេះ ក្រុមហ៊ុនអាកាសចរណ៍ កម្ពុជា អង្គរ អ៊ែរ នឹងធ្វើការហោះហើរ ១ជើងក្នុងមួយសប្តាហ៍ រវាង​រាជធានីភ្នំពេញ និងទីក្រុងណាននីង ចាប់ផ្តើមពីខែតុលានេះនៅរៀងរាល់ថ្ងៃសៅរ៍ ដោយយន្តហោះ Airbus-A320/A321។ ក្រៅ​ពី​នេះ​យើងក៏​មាន​ជើង​ហោះ​ហើរ​បន្ត​ដែលធ្វើដំណើរទៅ​ប្រទេស​ចិនដូចជា​ពី ទីក្រុងក្វាងចូវ ទៅ​​រាជធានីភ្នំពេញ មាន១ជើង​ក្នុង​មួយ​សប្តាហ៍ និង​រវាង​​រាជធានីភ្នំពេញ និងទីក្រុងចេងចូវ មាន១ជើង​ក្នុង​មួយ​សប្តាហ៍ផងដែរ។

ដើម្បីកក់សំបុត្រ សូមចូលទៅកាន់គេហទំព័ររបស់យើង៖ cambodiaangkorair.com

ឬទំនាក់ទំនងមកកាន់ការិយាល័យលក់សំបុត្ររបស់យើង៖

ការិយាល័យសាខាកម្ពុជា៖ (+855) 23 6666 789

ការិយាល័យសាខាប្រទេសវៀតណាម៖ (+84) 28 35471 767

សម្រាប់ព័ត៌មានបន្ថែម សូមទាក់ទងតាមអ៊ីមែលរបស់យើង៖ helpdesk_online_2@cambodiaangkorair.com