ITE HCMC 2022 លើកទី 16 ទីក្រុងហូជីមិញ ប្រទេសវៀតណាម

ព័ត៌មាន | 13.09.2022

ITE HCMC 2022 លើកទី 16 គឺជាព្រឹត្តិការណ៍ទេសចរណ៍ដ៏ធំបំផុត និងត្រូវបានរៀបចំឡើងនៅក្នុងប្រទេសវៀតណាម ដើម្បីលើកកំពស់ទំនាក់ទំនងទីផ្សារ ការផ្សព្វផ្សាយទេសចរណ៍ និងឱកាសអាជីវកម្មសម្រាប់ក្រុមហ៊ុនទេសចរណ៍ក្នុងស្រុក និងបរទេស។

ពិពរ័ណ៍នេះគឺជាការប្រារព្ធខួបទី២៩ឆ្នាំរបស់ក្រុមហ៊ុនអន្តរជាតិ World Travel Awards ដែលបានប្រព្រឹត្តទៅនៅថ្ងៃទី០៨ - ១០ ខែកញ្ញា ឆ្នាំ២០២២ នៅ SECC (Saigon Exhibition and Convention Center) ទីក្រុងហូជីមិញ ប្រទេសវៀតណាម ក្រោមប្រធានបទ “ការរីកចម្រើនឆ្ពោះទៅមុខទាំងអស់គ្នា។ 

ជាមួយគ្នានេះដែរ វាគឺជាកិត្តិយសបំផុតសម្រាប់ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ ដែលបានក្លាយជាក្រុមហ៊ុនអាកាសចរណ៍មួយក្នុងចំណោមក្រុមហ៊ុនជាច្រើនដែលបានចូលរួមក្នុងព្រឹត្តិការណ៍ពាណិជ្ជកម្ម និងពិព័រណ៍អន្តរជាតិប្រចាំឆ្នាំដ៏អស្ចារ្យនេះនៅក្នុងប្រទេសវៀតណាម។ ក្នុងឱកាសដ៏ពិសេសនេះ យើងពិតជាមានមោទនភាពក្នុងការជួបដៃគូអាជីវកម្មជាច្រើន ដើម្បីផ្សព្វផ្សាយក្រុមហ៊ុនអាកាសចរណ៍របស់យើងជាលក្ខណៈអន្តរជាតិ ព្រមទាំងផ្តល់ជូននូវការលក់បញ្ចុះតម្លៃ និងការចែកវត្ថុអនុស្សាវរីយ៍ដល់អតិថិជនជាច្រើនដែលមានចំណាប់អារម្មណ៍ហើយបានមកស្តង់របស់យើង។

#ITEHCMC2022 #WORLDTRAVELAWARDS#cambodiaangkorair