ទីក្រុងហូជីម៉ីញ

ចំណុចចាប់អារម្មណ៍នានា
       
ទីក្រុងហូជីម៉ីញ ត្រូវបានដឹងតាំងពីយូរណាស់មកហើយគឺជាសៃហ្គោន វាជាទីក្រុងសំខាន់ទីពីររបស់ប្រទេស វៀតណាមបន្ទាប់ពីទីក្រុងហាណូយ។ ទីក្រុងហូជីម៉ីញមិនត្រឹមតែជាមជ្ឈមណ្ឌលពាណិជ្ជកម្មប៉ុណ្ណោះទេ ថែមទាំងជាមជ្ឈមណ្ឌលវិទ្យាសាស្រ្ត បច្ចេកវិទ្យា ឧស្សាហកម្ម និងទេសចរទៀតផង។ ប្រវតិ្តសាស្រ្តរបស់ ទីក្រុងនេះជាប់ទាក់ទងយ៉ាងជិតស្និតជាមួយនឹងការតស៊ូដើម្បីឯករាជ្យ និងសេរីភាពរបស់ប្រទេស វៀតណាម។ 

វាំងឯកភាពវូបនិយកម្ម  គឺជាវត្ថុបុរាណវប្បធម៌ប្រវត្តិសាស្រ្តដ៏ល្បីល្បាញដែលត្រូវបានភ្ញៀវទេសចរជាតិ និងអន្តរជាតិចូលទៅទស្សនាយ៉ាងច្រើន។ 

សារៈមន្ទីរប្រវតិ្តសាស្រ្ត  ត្រូវបានសាងសង់ឡើងនៅក្នុងឆ្នាំ ១៩២៩ និងត្រូវបានគេហៅឈ្មោះថា "Musée Blanchard de la Bosse" ដែលបានដាក់តាំងនូវវត្ថុបុរាណប្រវត្តិសាស្រ្តជាច្រើន ហើយវត្ថុបុរាណភាគច្រើន គឺ មានប្រវត្តិតាំងពីក្រោយសតវត្សទី ៦ និងទី៧។ រូបបដិមាករព្រះពុទ្ធរូបដែលមានភ្នែក ១០០០ និងដៃ១០០០ ក៏ត្រូវបានប្រមូលដាក់ទុកនូវសារៈមន្ទីរនោះដែរ។

 វិហារគ្រឹស្តសាសនានូត្រឺដាមេ (Notre Dame Cathedral) ឈរនៅចំកណ្តាលនៃទីក្រុងហូជីម៉ីញត្រូវបាន សាងសង់ឡើងនៅអំឡុងឆ្នាំ ១៩៧៧ -១៨៨០ ។ ស្ថាបត្យករបែបរ៉ូម៉ាំងថ្មី (Neo-Romanesque architecture) របស់វិហារនេះមានប៉មកណ្តឹងដែលមានទំហំ ៤០ ម៉ែត្រក្រឡា ចំនួនពីរព័ទ្ធជុំវិញឧទ្យានសង្កាត់ប៉ារីសដែល ស្ថិតនៅកន្លែងនោះ។

ផ្សារប៊ិនថាញ់  គឺជារចនាសម្ព័ន្ធមួយក្នុងចំណោមរចនាសម្ព័ន្ធដំបូងនានាដែលនៅរស់រានមានជីវិត ហើយ សព្វថ្ងៃនេះផ្សារនេះត្រូវបានចាត់ទុកថាជានិម្មិតរូបមួយក្នុងចំណោមនិម្មតិរូបនានារបស់ទីក្រុងហូជីម៉ីញ និងពេញនិយមពីបណ្តាភ្ញៀវទេសចរដែលស្វែងរកសិប្បកម្ម វាយនភ័ណ្ឌក្នុងស្រុក សំលាកបំពាក់ប្រពៃណី សម្រាប់ស្ត្រីវៀតណាម "ao dai" និងវត្ថុអនុស្សាវរីយ៍នានា និងការធ្វើម្ហូបអាហារក្នុងស្រុកផងដែរ។ 

ដីសណ្តរទន្លេមេគង្គ៖ ការទៅទស្សនាដីសណ្តរទន្លេមេគង្គគឺដើម្បីយល់ដឹងថាហេតុអ្វីគេហៅវាថាជាជង្រុកស្រូវរបស់វៀតណាម ហើយហេតុបានជាសំប៉ាន/ទូកមួយដែលបានចងភ្ជាប់ជាមួយនឹងដើមដូងមួយអាចធ្វើឲ្យមានការអាលោះអាល័យ។ នៅទីកន្លែងនោះអ្នកនឹងបានជួបនូវមនុស្សសាមញដែលមិនចាប់អារម្មណ៍អំពីជីវិតឆើតឆាយនៅទីក្រុង។

ផ្លូវរូងក្រោមដី គូជី (Cu Chi Tunnels) គឺពិតជាដំណើរទស្សនកិច្ចនាពេលថ្ងៃដ៏មានតម្លៃនៅខាងក្រៅនៃទីក្រុង ហូជីម៉ីញ។ ផ្លូវរូងក្រោមដីនេះមានចំងាយប្រមាណ ៧០ គីឡូម៉ែត្រនៅប៉ែកពាយព្យនៃទីក្រុងហូជីម៉ីញ វាគឺជា ស្លាកស្នាមប្រវតិ្តសាស្រ្តដ៏ល្បីល្បាញមួយនៃបដិវត្តន៍វៀតណាម។ ដូចគ្នានឹងស្ថាបត្យកម្មផ្សេងទៀតដែរ ភាពស្មុគស្មាញនៃផ្លូវរូងក្រោមដីដូចជាសំបុកពីងពាងនេះ គឺជាបណ្តាញផ្លូវក្រោមដីដែលបានជីក មានប្រវែង ប្រមាណជាជាង ២០០ គីឡូម៉ែត មានច្រើនស្រទាប់ និងកន្លែងបត់ចុះឡើងជាច្រើនសម្រាប់ជាកន្លែងប្រជុំ កន្លែងរស់នៅ និងជាទីបញ្ជាការដ្ឋាន។